ਪੰਜਵੀਂ ਦੇ ਨਤੀਜਿਆਂ ਵਿਚ ਮੁਹਾਲੀ ਫਾਡੀ , ਬਾਜ਼ੀ ਮਾਰੀ ਬਰਨਾਲੇ ਨੇ ਰਿਹਾ ਪਹਿਲੇ ਸਥਾਨ ਉੱਤੇ
ਪੰਜਾਬ ਸਕੂਲ ਐਜੂਕੇਸ਼ਨ ਬੋਰਡ ਨੇ ਪੰਜਵੀ ਦਾ ਕੀਤਾ ਨਤੀਜਾ ਘੋਸ਼ਤ
ਇਸ ਵਾਰ ਨਤੀਜਾ 100% ਰਿਹਾ
ਮਾਨਸਾ ਦੇ ਰੱਲਾ ਕੋਠੇ ਸਕੂਲ ਦੀਆਂ ਵਿਦਿਆਰਥਣਾਂ ਨੇ ਪਹਿਲਾ ਸਥਾਨ ਹਾਸਲ ਕੀਤਾ
ਮੋਹਾਲੀ 6 ਅਪ੍ਰੈਲ ( ਹਰਪ੍ਰੀਤ ਸਿੰਘ ਜੱਸੋਵਾਲ )
ਪੰਜਾਬ ਸਕੂਲ ਐਜੂਕੇਸ਼ਨ ਬੋਰਡ ਵੱਲੋਂ ਅੱਜ ਪੰਜਵੀਂ ਕਲਾਸ ਦਾ ਨਤੀਜਾ ਘੋਸ਼ਿਤ ਕੀਤਾ ਗਿਆ ਹੈ ਜਿਸ ਦੇ ਵਿਚ ਓਵਰਆਲ ਨਤੀਜਾ 100 % ਦੇ ਕਰੀਬ ਹੈ ।
ਪੰਜਵੀਂ ਕਲਾਸ ਦੇ ਵਿੱਚ ਵੀ ਕੁੜੀਆਂ ਨੇ ਹੀ ਬਾਜ਼ੀ ਮਾਰੀ ਜ਼ਿਲ੍ਹਾ ਮਾਨਸਾ ਦੇ ਰੱਲਾ ਕੋਠੇ ਦੀਆਂ ਦੋ ਵਿਦਿਆਰਥਣਾਂ ਜਸਪ੍ਰੀਤ ਕੌਰ ਅਤੇ ਨਵਦੀਪ ਕੌਰ 100% ਨੰਬਰ ਲੈ ਲੈ ਪੂਰੇ ਪੰਜਾਬ ਚੋਂ ਪਹਿਲਾ ਸਥਾਨ ਹਾਸਲ ਕੀਤਾ ਹੈ ।
ਇਕ ਹੋਰ ਵਿਲੱਖਣ ਗੱਲ ਦੇਖਣ ਨੂੰ ਮਿਲੀ ਹੈ ਕਿ ਪੰਜਾਬ ਦੇ 23 ਜ਼ਿਲਿਆਂ ਦੇ ਵਿੱਚੋ ਮੋਹਾਲੀ ਵਿੱਚ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦਾ ਮੁੱਖ ਦਫਤਰ ਬਣਿਆ ਹੋਇਆ ਹੈ ।
ਮੁਹਾਲੀ ਜ਼ਿਲ੍ਹੇ ਦਾ ਕੁਲ ਨਤੀਜਾ 99.49% ਹੈ ਤੇ ਉਹ ਅਖੀਰਲੇ ਸਥਾਨ ਤੇ ਹੈ ਜਦਕਿ ਬਰਨਾਲਾ ਜਿਸ ਨੇ ਪਹਿਲਾ ਸਥਾਨ ਹਾਸਲ ਕਰ ਕੇ ਬਾਜੀ ਮਾਰੀ ਹੈ ਉਸਦੀ ਕੁਲ ਪਾਸ 99.86% ਹੈ ਪਰ ਪ੍ਰਤੀਸ਼ਤ ਦੇ ਵਿਚ ਬਹੁਤ ਜ਼ਿਆਦਾ ਫ਼ਰਕ ਨਹੀਂ ਹੈ ਲੇਕਿਨ ਫਿਰ ਵੀ ਮੁਹਾਲੀ ਬਿਲਕੁਲ ਹੇਠਲੇ ਸਥਾਨ ਉੱਤੇ ਹੈ ।
