ਸ੍ਰੀ ਗੁਰੂ ਰਾਮਦਾਸ ਜੀ ਹਵਾਈ ਅੱਡੇ ਤੋਂ 49.12 ਲੱਖ ਰੁਪਏ ਦਾ ਸੋਨਾ ਬਰਾਮਦ,ਕੀਤੀ ਗਈ ਵੱਡੀ ਕਾਰਵਾਈ

Amritsar,02 Aug,(Harpreet Singh Jassowal):- ਸ੍ਰੀ ਗੁਰੂ ਰਾਮਦਾਸ ਜੀ ਹਵਾਈ ਅੱਡੇ (Sri Guru Ramdas Ji Airport) ‘ਤੇ ਕਸਟਮ ਵਿਭਾਗ (Customs Department) ਵਲੋਂ ਵੱਡੀ ਕਾਰਵਾਈ ਕੀਤੀ ਗਈ ਹੈ। ਇਥੇ ਇਕ ਯਾਤਰੀ ਤੋਂ 808 ਗ੍ਰਾਮ ਸੋਨਾ ਬਰਾਮਦ ਕੀਤਾ ਹੈ। ਫੜੇ ਗਏ ਸੋਨੇ ਦੀ ਕੀਮਤ 49.12 ਲੱਖ ਰੁਪਏ ਦੱਸੀ ਜਾ ਰਹੀ ਹੈ।ਜਾਣਕਾਰੀ ਅਨੁਸਾਰ ਇਹ ਯਾਤਹੀ ਅੱਜ ਸਵੇਰੇ ਦੁਬਈ ਤੋਂ ਪੰਜਾਬ ਪਹੁੰਚਿਆ ਸੀ। ਸ਼ੱਕ ਦੇ ਆਧਾਰ ’ਤੇ ਕਸਟਮ ਸਟਾਫ਼ ਵਲੋਂ ਉਸ ਦੀ ਤਲਾਸ਼ੀ ਲਈ ਗਈ ਤਾਂ ਉਸ ਕੋਲੋਂ 808 ਗ੍ਰਾਮ ਵਜ਼ਨੀ ਸੋਨਾ ਬਰਾਮਦ ਹੋਇਆ। ਦੱਸ ਦੇਈਏ ਕਿ ਇਹ ਸੋਨਾ 3 ਕੈਪਸੂਲਾਂ ਦੇ ਰੂਪ ਵਿਚ ਲੁਕੋਇਆ ਹੋਇਆ ਸੀ। ਫਿਲਹਾਲ ਕਸਟਮ ਵਿਭਾਗ ਵਲੋਂ ਅਗਲਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।