ਚੰਡੀਗੜ੍ਹ, 25 ਸਤੰਬਰ (ਹਰਪ੍ਰੀਤ ਸਿੰਘ ਜੱਸੋਵਾਲ):- ਭਾਰਤੀ ਪੁਰਸ਼ਾਂ ਦੀ 10 ਮੀਟਰ ਏਅਰ ਰਾਈਫਲ ਟੀਮ (Air Rifle Team) ਨੇ ਚੱਲ ਰਹੀਆਂ ਏਸ਼ਿਆਈ ਖੇਡਾਂ ਵਿੱਚ ਦੇਸ਼ ਲਈ ਪਹਿਲਾ ਸੋਨ ਤਮਗਾ ਜਿੱਤਿਆ ਹੈ,ਭਾਰਤ ਨੇ ਇਸ ਦੌਰਾਨ ਵਿਸ਼ਵ ਰਿਕਾਰਡ (World Record) ਵੀ ਤੋੜਿਆ,ਰੁਦਰੰਕਸ਼ ਬਾਲਾਸਾਹਿਬ ਪਾਟਿਲ, ਦਿਵਯਾਂਸ਼ ਸਿੰਘ ਪੰਵਾਰ ਅਤੇ ਐਸ਼ਵਰੀ ਪ੍ਰਤਾਪ ਸਿੰਘ ਤੋਮਰ ਨੇ ਨਾ ਸਿਰਫ ਭਾਰਤ ਲਈ ਪਹਿਲਾ ਸੋਨ ਤਮਗਾ ਜਿੱਤਿਆ ਸਗੋਂ ਇਸ ਦੌਰਾਨ ਵਿਸ਼ਵ ਰਿਕਾਰਡ ਵੀ ਬਣਾਇਆ,ਭਾਰਤੀ ਤਿਕੜੀ ਨੇ ਵਿਅਕਤੀਗਤ ਕੁਆਲੀਫਿਕੇਸ਼ਨ ਰਾਊਂਡ ਵਿੱਚ 1893.7 ਦਾ ਸਕੋਰ ਬਣਾਇਆ ਅਤੇ ਵਿਸ਼ਵ ਰਿਕਾਰਡ ਬਣਾਇਆ।
ਇਸ ਤੋਂ ਪਹਿਲਾਂ ਇਹ ਰਿਕਾਰਡ ਚੀਨ ਦੇ ਨਾਂ ਸੀ,ਜਿਸ ਨੇ ਇਸ ਸਾਲ ਦੀ ਸ਼ੁਰੂਆਤ ‘ਚ ਬਾਕੂ ਵਿਸ਼ਵ ਚੈਂਪੀਅਨਸ਼ਿਪ ‘ਚ 1893.3 ਦਾ ਸਕੋਰ ਬਣਾਇਆ ਸੀ,ਪਹਿਲੀ ਸੀਰੀਜ਼ ‘ਚ ਭਾਰਤੀ ਨਿਸ਼ਾਨੇਬਾਜ਼ਾਂ ਦਾ ਦਮ ਦੇਖਣ ਨੂੰ ਮਿਲਿਆ,ਰੁਦਰਾਂਸ਼ ਅਤੇ ਦਿਵਿਆਂਸ਼ ਨੇ 104.8 ਅੰਕ ਪ੍ਰਾਪਤ ਕੀਤੇ, ਜਦੋਂ ਕਿ ਐਸ਼ਵਰੀ ਨੇ 104.1 ਅੰਕ ਪ੍ਰਾਪਤ ਕੀਤੇ,ਹਾਲਾਂਕਿ ਅਗਲੀ ਸੀਰੀਜ਼ ਤੋਂ ਬਾਅਦ ਭਾਰਤੀ ਨਿਸ਼ਾਨੇਬਾਜ਼ਾਂ ਨੇ ਆਪਣੇ ਸ਼ਾਟ ‘ਚ ਸੁਧਾਰ ਕੀਤਾ,ਛੇਵੀਂ ਸੀਰੀਜ਼ ਤੱਕ ਭਾਰਤੀ ਟੀਮ ਨੇ 1893.7 ਦਾ ਸਕੋਰ ਬਣਾ ਕੇ ਵਿਸ਼ਵ ਰਿਕਾਰਡ ਤੋੜ ਦਿੱਤਾ।
