Britain,08 Aug,(Harpreet Singh Jassowal):- ਬ੍ਰਿਟੇਨ ਤੋਂ ਖਬਰ ਆ ਰਹੀ ਹੈ ਕਿ ਬ੍ਰਿਟੇਨ ‘ਚ ਕੋਰੋਨਾ ਵਾਇਰਸ (Corona Virus) ਦਾ ਨਵਾਂ ਰੂਪ EG.5.1 ਤੇਜ਼ੀ ਨਾਲ ਫੈਲ ਰਿਹਾ ਹੈ,ਜਿਸ ਨੂੰ Eris ਦਾ ਨਾਂ ਦਿੱਤਾ ਗਿਆ ਹੈ,ਕਿਉਂਕਿ ਹੁਣ ਬ੍ਰਿਟੇਨ ‘ਚ ਸਰਦੀਆਂ ਸ਼ੁਰੂ ਹੋਣ ਵਾਲੀ ਹੈ,ਅਜਿਹੇ ‘ਚ ਕੋਰੋਨਾ ਵਾਇਰਸ (Corona Virus) ਦਾ ਨਵਾਂ ਰੂਪ ਤੇਜ਼ੀ ਨਾਲ ਫੈਲ ਰਿਹਾ ਹੈ,ਨਵੇਂ ਵੇਰੀਐਂਟ ਦੀ ਜਾਣਕਾਰੀ ਪਿਛਲੇ ਮਹੀਨੇ ਹੀ ਬ੍ਰਿਟੇਨ ‘ਚ ਮਿਲੀ ਹੈ,ਉਦੋਂ ਤੋਂ ਹੀ ਉੱਥੇ ਦੇ ਲੋਕ ਕੋਵਿਡ-19 (Covid-19) ਤੋਂ ਡਰੇ ਹੋਏ ਹਨ,ਯੂਕੇ ਹੈਲਥ ਸਕਿਓਰਿਟੀ ਏਜੰਸੀ (UKHSA) ਦੇ ਅਨੁਸਾਰ, ਕੋਰੋਨਵਾਇਰਸ ਦੇ 7 ਅਜਿਹੇ ਮਾਮਲੇ ਸਾਹਮਣੇ ਆਏ ਹਨ।
ਜੋ ਏਰਿਸ ਵੇਰੀਐਂਟ ਨਾਲ ਜੁੜੇ ਹੋਏ ਹਨ,ਤਾਜ਼ਾ ਅੰਕੜਿਆਂ ਦੇ ਅਨੁਸਾਰ,ਕੋਰੋਨਾ ਵਾਇਰਸ (Corona Virus) ਦੇ ਕੁੱਲ ਮਾਮਲਿਆਂ ਵਿੱਚੋਂ, 14 ਪ੍ਰਤੀਸ਼ਤ ਕੇਸ ਸਿਰਫ ਏਰਿਸ ਵੇਰੀਐਂਟ ਨਾਲ ਜੁੜੇ ਹੋਏ ਹਨ,UKHSA ਦਾ ਕਹਿਣਾ ਹੈ ਕਿ ਪਿਛਲੇ ਹਫ਼ਤੇ ਦੇ ਮੁਕਾਬਲੇ ਕੋਵਿਡ-19 ਦੇ ਮਾਮਲੇ ਹਰ ਹਫ਼ਤੇ ਤੇਜ਼ੀ ਨਾਲ ਫੈਲ ਰਹੇ ਹਨ,ਰਿਪੋਰਟ ਦੇ ਅਨੁਸਾਰ,ਹੁਣ ਤੱਕ 4 ਹਜ਼ਾਰ ਤੋਂ ਵੱਧ ਟੈਸਟ ਕੀਤੇ ਜਾ ਚੁੱਕੇ ਹਨ, ਜਿਨ੍ਹਾਂ ਵਿੱਚੋਂ 5.4 ਪ੍ਰਤੀਸ਼ਤ ਕੇਸਾਂ ਦੀ ਪਛਾਣ ਕੋਰੋਨਾ ਵਾਇਰਸ ਵਜੋਂ ਹੋਈ ਹੈ,ਪਿਛਲੀ ਰਿਪੋਰਟ ਵਿੱਚ,4 ਹਜ਼ਾਰ ਤੋਂ ਵੱਧ ਟੈਸਟਾਂ ਵਿੱਚ ਕੋਵਿਡ-19 (Covid-19) ਦੇ 3.7 ਪ੍ਰਤੀਸ਼ਤ ਮਾਮਲੇ ਸਨ।
